Топырағы мен ауа-райының ерекшеліктерін ескере отырып облысымыздың үш аймағына (солтүстік, орталық, оңтүстік) төмендегідей шит себу мерзімдері ұсынынылады. Шит себу мерзімін анықтауда ауа-райының жағдайымен бірге топырақтың агромелиоративтік жағдайына да үлкен көңіл бөлген дұрыс.Сортаңданған жерлерде температураның жоғарылауын күтіп отыру өте қауіпті, себебі ауа-райы ысыған жағдайда, жер асты суларымен бірге зиянды тұздар топырақ бетіне тез көтеріледі және соның себебінен топырақтың жоғарғы қабатында тұз мөлшерінің жоғарылауы мүмкін. Бұл өз кезегінде шиттің мүлде өніп шықпауына немесе өніп шыққанның өзінде, 4-5 жапырақ болғанда қурап қалуына алып келеді. Сондықтан сортаңдаған жерлерге шитті неғұрлым ерте салған дұрыс. Сонымен бірге шитті кеш мерзімдерде себу бір қатар қолайсыз жағдайларға (мақта қозасының аурулары және зиянкестердің зиян келтіруі) алып келуі мүмкін. Сондықтан шитті себу мерзімдерін анықтау кезінде топырақтын температурасы 140-ға көтерілгеннен соң, кейінгі күндерде ауа райы жоғарылауы күтілгенде бастаған жөн.