Көптеген шаруа қожалықтарының басшыларында, арам шөптері көп алқаптарды көктемде қайтадан соқамен аударып жыртқан дұрыс деген қате пікір қалыптасқан. Көктемде қайта жырту арамшөптердің шығуын шитті себу кезеңінде ғана азайта алады, ал кейін (жауын-шашын мол болған жағдайда) алқапта арам шөптер қайтадан қаулап кетеді. Сонымен бірге топырақтың ылғалдылығы төмендейді. Егер топырақ қатты тығыздалып қалып, көктемде соқамен аударып жыртқанның өзінде де, ол жерлерге ауыр дискілі тырмаларды жүргізіледі. Сонан соң ғана жеңіл тырмалау және малалау агротехникалық шаралары жүргізіледі. Дискілі тырмалар саз топырақты жерлерді өңдеуде таптырмайтын құрал болғанмен, тамыр жаятын арамшөптері көп егіс алқаптарына қолдануға болмайды, себебі дискілі тырмалар арамшөптерді көп бөлшекке бөлшекдеудің арқасында, олардың көбеюіне жағдай жасауы мүмкін.Сонымен егіс алды агротехникалық жұмыстарды әр аймақтың топырағын, ауы-райын және әрбәр егіс алқаптарының мелиоративтік жағдайына қарап сапалы және дер кезінде жүргізгенде ғана, біркелкі және толық мақта өскінділерін алуға қол жеткізіледі.