7-ايدىڭ 11 ـكۇنى نىلقى اۋدانى مىس اۋلىنىڭ ارىستان ۇلىتىق سالىت ـ سانا سەلبەستىك كوپيراتىبىنىڭ ۇيىمداستىرۋىندا« كوركەم قاس بويىنا ساپار » اتىنداعى پوتو سۋرەتشىلەردىڭ تۇىندى جاراتۋ قيمىلى وتتى. بۇل جولعى قيمىلعا ءار اۋدانداردان كەلگەن 20عا تارتا پوتو سۋرەتشى قاتىناسىپ كوركەم قاس بويىنىڭ كوك اسپان، مولدىر سۋ، جاسىل تابيعاتىنان كوركەم تۋىندىلار جاراتۋمەن بىرگە اعا پوتوگەرلەر وزارا تالقى ورىستەتىپ پوتو اپاراتتىڭ تەحنيكالىق بىلىمدەرىنەن ساۋات بەردى. سونداي ـ اق قيمىل سوڭىندا اۋەسكەرلەردىڭ ناق مايداندا تۇسىرگەن سارا تۇىندىلارىن باعالاپ شىعىپ 3 دارەجە بويىنشا 11 اۋەسكەر زاتتاي سيلاندى. وسى ارقىلى كورىكتى دە كوركەم قاستىڭ تابيعاتتى سىرتقا ۇگىتتەلىپ ساياحاتىڭ جاندانىپ شالقۋىنا وز ۇلەستەرىن قوستى.