Әнші Рухия Байдүкенова 1998 жылы Алматы облысының Талдықорған қаласында дүниеге келген. Биыл 2021 жылғы «Славян базарының» гран-при иегері атанған әнші қыздың бұл алғашқы жеңісі емес. Тоғыз жасынан бастап өнер мектебінде вокалмен айналыса бастаған ол тұңғыш халықаралық жүлдесіне 2010 жылы «Ақ көгершін» байқауында қол жеткізіп, екінші орын алды. Кейін «Бозторғай», «Ғұмырдария», «Жас қанат» «Еуразия жұлдыздары», «Астана даусы» секілді байқауларда да топ жарып келген.